ომონიაზე ქართველ მამაკაცს ესროლეს
ბერძნული მედიის მიერ გავრცელებული ინფორმაციით, ომონიაზე საქართველოს მოქალაქე დაჭრეს.
შემთხვევის დეტალები ცნობილი არ არის, თუმცა, მამაკაცმა პოლიციას განუცხადა, რომ თავს დაესხნენ. სროლისას მას ფეხი დაუზიანდა.
მისი ჯანმრთელობის მდგომარეობა დამაკმაყოფილებელია, თუმცა, უცნობია ვითარება, რომელშიც ქართველ მამაკაცს გაუსწორდნენ.
საბერძნეთის პოლიცია საქმეს იძიებს და მოწმეებს ეძებს, რათა დადგინდეს ინციდენტის ზუსტი სურათი.
ამ დროისთვის არსებობს ვარაუდი, რომ ეს პირადი ანგარიშსწორება იყო.