კრეტაზე გარდაცვლილი ტურისტი
ფინელი ტურისტი, რომელიც კუნძულ კრეტაზე დასასვენებლად იყო ჩასული, 2 მეტრის სიღრმის თხრილში ჩავარდა და გარდაიცვალა. ინციდენტი ხანიაში სოფელ პლატანიაში მოხდა.
მამაკაცი პარასკევს დილით გამვლელმა იპოვა. ის დაახლოებით 65-დან 75 წლამდეა, გვამი მეხანძრეებმა ამოიტანეს თხრილიდან.
ადგილობრივი მედიის ინფორმაციით, მამაკაცი ხუთშაბათს დაიღუპა.
გადაუხურავი თხრილი ერთ-ერთი კერძო შენობის საკუთრებაა, რომელიც რესტორანთან ახლოს მდებარეობს.
გარდაცვლილის სხეული ადგილობრივ მორგში წაიღეს და აუტოფსიის შედეგად დადგინდება, ზუსტად რამ გამოიწვია მისი სიკვდილი.