კორფუს სამხრეთ სანაპიროს თავს ქარიშხალი და ძლიერი წვიმა დაატყდა და საკმაოდ მძიმე შედეგები გამოიწვია. ყველაზე ტრაგიკული ინციდენტი მამაკაცს შეემთხვა, რომელიც მანქანით პერივოლიში მიდიოდა. ის ცოლთან და ბავშვებთან ერთად იყო, რომლებიც სიკვდილს სასწაულით გადაურჩნენ, ხოლო თვითონ გარდაიცვალა.
გზებზე აღინიშნება მეწყერი, წაქცეულია ხეები. ადგილობრივი ხელისუფლება განსაკუთრებულ შეშფოთებას გამოთქვამს საფლავებთან დაკავშირებით, რომლებიც გახსნილი და დამტვრეულია. პრობლემები იყო ელექტრო ენერგიასთან დაკავშირებითაც, თუმცა, ამჟამად აღდგენილია.
