ჟურნალისტების თვალით დანახული საბერძნეთის ზღაპრული კუნძულები
ჟურნალ National Geographic Traveler-ის რუსული ვერსიის ჟურნალისტების ობიექტივში საბერძნეთის 4 კუნძული მოხვდა. ჟურნალი თავის მკითხველს ზაფხულისთვის ოთხი კუნძულის მონახულებას ურჩევს: კოსი, კალიმნოსი, ნისიროსი და პატმოსი.
ჟურნლისტები აღნიშნავენ, რომ დოდეკანესის კუნძულების მთავარი ხიბლი არის ის, რომ აქ მზიანი დღეები წელიწადში 350 დღის მანძილზე ნარჩუნდება.
ნისიროსი – აქ აუცილებლად უნდა მოინახულოთ ახალგაზრდა ვულკანი სტეფანოსი.
კალიმნოსი – წარმოუდგენლად აქტიური ტურისტული დანიშნულების კუნძული. აქ შეგიძლიათ დაკავდეთ როგორც ყვინთვითა და სერფინგით, ასევე ლაშქრობებითა და კემპინგით.
პატმოსი – კუნძულზე მდებარეობს რამდენიმე მართლმადიდებლური ეკლესია, რაც პილიგრიმებისთვის კუნძულის მთავარ საგანძურს წარმოადგენს. გადმოცემის თანახმად, სწორედ აქ ჰქონდა იოანე მოციქულს აპოკალიფსის შესახებ გამოცხადება.
კოსი – კუნძული, რომელიც ჰიპოკრატეს ესეების აკვნად ითვლება. აქ უძველესი საავადმყოფოების ნანგრევებია შემორჩენილი. თუმცა, რა თქმა უნდა, ეს ულამაზესი კუნძულის ერთადერთი ხიბლი არ არის.
აღსანიშნავია, რომ გაყიდულია ჟურნალის 200, 000 ეგზემპლარი.