თავდაპირველად ვრცელდებოდა ჭორები, რომ ევროვიზია 2018-ის კონკურსზე კვიპროსი ელენა პაპარიზუს უნდა წარედგინა. ინფორმაცია დადასტურებული არ იყო, უფრო სწორად რომ ვთქვათ, თავად პაპარიზუს პასუხი ამ საკითხთან დაკავშირებით არ იყო ცნობილი. თუმცა, მოგვიანებით მისმა ფანებმა განაცხადეს, რომ ელენამ კონკურსში გამოსვლაზე უარი თქვა, რადგან ამისთვის მზად არ იყო.
პაპარიზუს შემდეგ კი, კვიპროსული მედია წერს, რომ წლევანდელ ევროვიზიაზე მათი სახელით პოპ მუსიკის კაშკაშა ვარსკვლავი თამთა შესაძლოა გამოვიდეს. ამ თემას სხვადასხვა არხებზე განიხილავენ.
ასევე საუბარია ელენი ფურეირაზე, რომელიც სხვადასხვა შეხვედრებს გამართავს ევროვიზიაზე გამოსვლასთან დაკავშირებით. დიდი ვარაუდებით, ის ყველაზე რეალური კანდიდატია.
