მოღრუბლულობა და ხანმოკლე წვიმაა გამოცხადებული, დღეს, 7 ოქტომბერს, დასავლეთ საბერძნეთში, თესალიასა და დასავლეთ მაკედონიაში. ქვეყნის ჩრდილო-დასავლეთ ნაწილში კი, შტორმებია მოსალოდნელი.
დილისა და საღამოს საათებში ხილვადობა გაძნელებული იქნება, რადგან ზოგიერთ ადგილას ნისლია ნავარაუდევი.
თესალონიკში მცირე მოღრუბლულობას ვარაუდობენ. დილის საათებში ხილვადობა, შედარებით გაძნელებული იქნება. ქარის სიჩქარე 3-4 ბალს მიაღევს. ჰაერი კი, 23 გრადუსამდე გათბება.
განსხვავებული ჰაერის ტემპერატურა გვექნება დასავლეთ მაკედონიაში (6-22 გრადუსი), ჩრდილოეთ საბერძნეთში (10-24 გრადუსი), ცენტრალურ საბერძნეთში (10-25 გრადუსი), იონიის ზღვის კუნძულებზე (17-24 გრადუსი), ეპირუსში (12-25 გრადუსი), დასავლეთ და სამხრეთ საბერძნეთში (15-25 გრადუსი), კონტინენტის დანარჩენ ნაწილში (12-26 გრადუსი), ეგეოსის ზღვის კუნძულებზე (16-24 გრადუსი), ხოლო დოდეკანესზე მაქსიმალური ტემპერატურა 26-27 გრადუსს მიაღწევს.
ეგეოსის ზღვის ჩრდილოეთით, ჩრდილო-აღმოსავლეთის ქარი იქროლებს, რომლის სიჩქარე 4-5 ბალს მიაღწევს. აღსანიშნავია, რომ შუადღიდან მოყოლებული, ქარი საგრძნობლად შესუსტდება. ეგეოსის ზღვის დანარჩენ ნაწილში ძლიერი ქარია გამოცხადებული, დაახლოებით, 7 ბალის, რაც შტორმისთვის საკმარისი სიჩქარეა. რაც შეეხება იონიის ზღვას, აქ, დილიდან, აღმოსავლეთის ქარი იქროლებს, რომელიც თანდათან შესუსტდება და ჰაერიც საგრძნობლად გათბება.
