ბერძნებმა “რეალობისგან გასაქცევად” ალკოჰოლის სმას მოუმატეს

ბერძენი მედიკოსები ავრცელებენ გაფრთხილებას, რომლის მიხედვითაც, საბერძნეთში მთელ დანარჩენ ევროპასთან შედარებით, ყველაზე მეტ ალკოჰოლს იღებენ.

ატიკის საავამდყოფოს ასოცირებული პროფესორი ათანასიო დუზენი აცხადებს, რომ თითოეული ბერძენი წლის განმავლობაში 10,3 ლიტრ ალკოჰოლს მოიხმარს.

ამასთანავე, აღნიშნავს, რომ აქედან ალკოჰოლზე დამოკიდებული მხოლოდ 10%-ია, ხოლო 40% სასმელს რეგულარულად სვამს.

მიუხედავად იმისა, რომ მამაკაცებში სმასთან ერთად, მოწევაც დიდ პრობლემას წარმოადგენს, ალკოჰოლის მოხმარება ქალებში ბევრად უფრო გავრცელებულია.

არსებობს მოსაზრება, რომ ბერძნებში ალკოჰოლზე დამოკიდებულება ეკონომიკური კრიზისის ფონზე გაიზარდა.

ბერძნული გაზეთის ინფორმაციით, ალკოჰოლის მომხმარებელთა 94,1 %-ის ასაკი 16 წლის ზემოთ არის.