ბოლო დროს საბერძნეთსა და თურქეთს შორის არსებული დაძაბული ურთიერთობების ფონზე, ჩატარდა სახალხო გამოკითხვა “საბერძნეთი და მსოფლიო 2018.” საზოგადოებამ საკუთარი აზრი ღიად დააფიქსირა.
გამოკითხულთა 87% თვლის, რომ თურქეთი არის მეზობელი სახელმწიფო, რომელთანაც საბერძნეთს დიდი პრობლემები აქვს, 79% თვლის, რომ თურქეთი საბერძნეთისთვის სერიოზულ საფრთხეს წარმოადგენს, ალბანეთის შემდეგ, რომელიც საფრთხის შემცველი ბერძენთა 13%-ისთვისაა.
ამავე დროს, რესპოდენტთა 81%-ს სჯერა, რომ საბერძნეთსა და თურქეთს შორის ურთიერთობები ბოლო წლების მანძილზე საგრძნობლად გაუარესდა და 74%-ის განმარტებით, ქვეყნებს შორის ძირითად პრობლემას საბერძნეთის სუვერენიტეტი წარმოადგენს.
აღსანიშნავია, რომ გამოკითხულთა უმეტესობა უარყოფითად აფასებს როგორც თურქეთის, ასევე საბერძნეთის მთავრობის მიერ გატარებულ პოლიტიკას.
ბერძნების 70% ღიად აცხადებს, რომ საბერძნეთმა თურქეთთან მოლაპარაკებები უნდა გამართოს და მისი პოზიცია ახლა ბევრად უფრო სუსტია, ვიდრე ეს ადრე იყო.
44% თვლის, რომ ქვეყნებს შორის ომის საშიშროება არსებობს.
ასევე, გამოკითხულთა 49% მიაჩნია, რომ საბერძნეთს ნატოსგან არანაირი სარგებელი არ აქვს, 80% ამბობს, რომ ბერძნული არმიის იმედი აქვს, ხოლო 17% ბერძნულ შეიარაღებულ ძალებს უნდობლობას უცხადებს.
