ათენში რუსეთის კონსული, ანდრეი მალანინი გარდაიცვალა

ათენში რუსეთის კონსული ანდრეი მალანინი გარდაიცვალა, -ინფორმაციას სააგენტო “ინტერფაქსი” რუსეთის დიპლომატიურ მისიაზე დაყრდნობით ავრცელებს.

“ექსპერტების დასკვნით კონსული გარდაიცვალა”, – განუცხადა სააგენტოს წყარომ და დასძინა, რომ საელჩო აღნიშნული ინფორმაციის გამო მწუხარებას გამოთქვამს.

მანამდე, 9 იანვარს, საბერძნეთის პოლიციამ კონსულის გარდაცვალებასთან დაკავშირებით გამოძიება დაიწყო. ანდრეი მალანინი 9 იანვარს ათენის ცენტრში, საკუთარ ბინაში გარდაცვლილი იპოვეს.

როგორც გამოცემა Alpha Press წერს, დიპლომატმა დილით ზარებს არ უპასუხა, რის გამოც მისი ნახვა გადაწყვიტეს. ადგილზე მისულებს კი კონსული გარდაცვლილი დახვდათ.