ათენში ქართულენოვანი ლიტურგია 4 ის ნაცვლად 11 ივნისს ჩატარდება – მრევლს ეს ინფორმაცია ათენის წმ.პანტელეიმონ მკურნალის სახელობის ტაძრის მღვდელმსახურმა არქიმანდრიტმა თეიმურაზ- სინესიოს კალანდაძემ მიაწოდა: ,, მეგობრებო, როგორც იცით, ყოველი თვის პირველ კვირას ვატარებთ ქართულ წირვას.
4 ივნისს, კვირას, არის სულთმოფენობა, რომლის დროსაც წირვას ებმება მწუხრი და იკითხება მუხლმოდრეკის ლოცვები. აქედან გამომდინარე ბერძნული წირვა ძალიან გაიწელება და ტაძრის წინამძღვრის თხოვნით ჩვენი წირვა გადავწიეთ ერთი კვირით, ანუ 11 ივნისისთვის. ქართული წირვა ჩატარდება 11 ივნისს ჩვეულებრივ 11 საათზე.” – აღნიშნულია არქიმანდრიტის განცხადებაში.
