რეგიონულმა ხელისუფლებამ გამოაცხადა გეგმა, რომელიც მიზნად ისახავს ათენის ცენტრში არსებული პარკის Park Pedion tu Areos ”დასუფთავებას”. როგორც ცნობილია, ამ ტერიტორიაზე ნარკოტრეფიკი და პროსტიტუცია ჯერ კიდევ ყვავის. სწორედ ამიტომ, სიტუაციას გამოსწორება სჭირდება და მიღებული იქნება შესაბამისი ზომები.
პარკის დასაცავად დაიქირავეს კერძო კომპანიის თანამშრომლები. გამოყოფილია 776,433 ევრო ნარკოტიკების წინააღმდეგ ბრძოლის ორგანიზაციისა და დამოკიდებულ პირთა თერაპიული ცენტრის მიერ.
ორგანიზაციების და მთავრობის მიზანია, პარკი გახადოს კულტურული ცენტრი და დაიცვას ადამიანები შესაძლო ზიანისგან, რომელიც აქ გამეფებულ კრიმინალურ საქმიანობას მოსდევს.
