შობის დღესასწაულთან დაკავშირებით, კიფისიაში, სხვა ღონისძიებებთან ერთად, 2 გრანდიოზული კონცერტია დაგეგმილი. ცნობილი მომღერლები, ქალაქის მერთან, გიორგოს თომაკოსთან ერთად, საშობაო ნაძვის ხეს აანთებენ კიფისიასა და ნეა ერითრეაში. ამით, ისინი დეკემბრის თვის სადღესასწაულო პროგრამას გახსნილად გამოაცხადებენ.
პარასკევს, 7 დეკემბერს, დიონის სხინასი კონცერტს გამართავს ნეა ერითრეაში. მომღერალი საკუთარი რეპერტუარის გარდა, საშობაო სიმღერებსაც შეასრულებს და მსმენელს სადღესასწაულო განწყობას შეუქმნის.
8 დეკემბერს კი, კიფისიაში, ანა ვისის კონცერტი გაიმართება, სადაც იგი საშობაო ნაძვის ხეს საზეიმოდ აანთებს. მომღერალი დამსწრე საზოგადოებას დაუვიწყარ საღამოს ჰპირდება.
