ამინდის ცვლილება ხვალიდან საბერძნეთში
ეროვნული მეტეოროლოგიური სამსახური ამინდის ცვლილებასთან დაკავშირებით განცხდებას ავრცელებს.
კერძოდ, შაბათს დილის საათებიდან მოსალოდნელია ამინდის სწრაფი ცვლილება საბერძნეთის ჩრდილო-დასავლეთით.
ძლიერი წვიმა და ქარი იქნება შემდეგ ტერიტორიებზე: ცენტრალური და აღმოსავლეთ მაკედონია, თრაკი, ჩრდილოეთ და აღმოსავლეთ ეგეოსის კუნძულები. შესაძლოა გაწვიმდეს დოდეკანესზეც.
ასევე, ამინდის მკვეთრი ცვლილება დაფიქსირდება იონიის კუნძულებზე, ეპირუსში, დასავლეთ და ცენტრალურ სტერეაში, ჩრდილო-დასავლეთ პელოპონისოში, თესალიაში, ჩრდილოეთ ევიაში.
ქარის სიძლიერე აღნიშნულ ტერიტორიებზე ბუფორტის სკალით 7-8 ბალს მიაღწევს.
ცუდი ამინდის შესაბამისად დაეცემა ჰაერის ტემპერატურაც და იქნება 8 გრადუსი.