გერმანულენოვანი ქვეყნების ერთ-ერთი ყველაზე დიდი ტურისტული კომპანიის DER Touristik-ის თანახმად, საბერძნეთში ტურიზმი კიდევ უფრო გაიზრდება, რის გამოც “2019 წელი საბერძნეთის წლად” შერაცხეს.
DER Touristik-ის ხელმძღვანელი რენე ჰერცოგის განცხადებით, მისი კომპანიის საქმიანობა საბერძნეთში საკმაოდ სტაბილურია. საერთო ჯამში, მათ მიერ შეთავაზებული 282 სასტუმროდან და საოჯახო საცხოვრებლიდან 15% საბერძნეთში მდებარეობს.
“მიზეზი, რის გამოც 2019 საბერძნეთის წელი იქნება არის ის, რომ ქვეყანა დამსვენებლებს საუკეთესო ფასებს სთავაზობს ზაფხულის სეზონზე,” – განაცხადა ტურისტული კომპანიის ხელმძღვანელმა.
“კლიმატი სტაბილური და დადებითია” – დაამატა მან.
საბერძნეთის გარდა, 2019 წლის ზაფხულის პოპულარული მიმართულებებია ტუნისი, ეგვიპტე, სამხრეთი აფრიკა და ნამიბია. აგრეთვე, მალდივები და ტაილანდი.
